Gaztandegira bisita belazeetatik barrena astoekin

Ibilbidearen laburpena: Bi atal ditu ibilaldiak. Batetik, Berastegiko belazeen erdigunetik ibiliko gara astoekin. Bestetik, “Gazpio” artegia eta gaztandegia ezagutuko ditugu, bere gazten dastaketarekin amaituz. Paisaia ulertu eta artzainen mundura hurbiltzeaz gain, artzain baten gaur egungo errealitatea ezagutuko dugu.

Berastegiko plazan bilduko gara, eta herria zeharkatu ostean, bertako belaze berdeen erditik ibiliko gara. Hiru geldialdi egingo ditugu bidean, azalpen laburrak emateko. Eta handik, “Gazpio” gaztandegira joango gara. Bertan denbora bat egin ostean, herriko plazan amaituko dugu berriro.

Bidean zehar honako edukiak landuko dira:

• Berastegiko artzaintza: historia eta gaur egungo praktikak uztartuta.
• Belazeen barrenean, paisaia eta ingurua interpretatuko dira. Nola dagoen hain berde dena ulertzeko.
• Ardi latxa eta artzainaren inguruan azalpen eta hausnarketak esplikatuko ditugu.
• Gazpio artzainaren istorioa eta egunerokotasuna, urteko lanak.
• Garai batean eta gaur egun gazta egitearen konparaketa.
• Gazta baten dastaketa, hainbat ezaugarritan arreta jarrita: azala, orearen kolorea, usaina, testura eta zaporea.

Dastaketa: “Gazpio” artzainaren hiru gazta mota dastatuko dira: naturala, ketua eta gaztanbera. Pertsonako lau hiruki egongo dira klase bakoitzeko eta gaztanbera pixka bat (piko batzuen laguntzarekin), eta sagardo zein ardoa eskainiko da, urarekin batera.

Kilometroak: 2.8 kilometro

Denbora: 2.5 ordu

Desnibela: 125 metro

Prezioa: Haurrak: 15 euro. Helduak: 30 euro.

Oharrak: Mendiko arropa erosoa ematea komeni da. Astoak, artzain kultura eta gastronomia uztartzen dituen ibilbidea, edozein pertsonak egiteko aproposa. Haur txikiekin egiteko gehiegi izan daiteke. Hauekin egiteko, gaztandegiko bisita belazeetan barrena astoekin ibilbidea gomendatuko genuke.

Ibilbide hasiera:

Ibilbide bukaera: